उस्मानाबाद : उस्मानाबाद शहराला गुरुवारी रात्री पावसाने चांगलेच झोडपले असून अतिवृष्टी होऊन तब्बल ९५ मिलिमीटर पावसाची नोंद झाली आहे. याशिवाय भूम तालुक्यातील ईट आणि माणकेश्वर या दोन मंडळांमध्येही अतिवृष्टी झाली आहे.
पालकमंत्र्यांपासून अल्पभूधारक शेतकरी ठेवले चार हात दूर, कृषी विभागावर शेतकरी संतापले
यंदा पावसाळ्यात शहरांमध्ये मोठा पाऊस झाला नव्हता. शहरवासीय मोठ्या पावसाच्या प्रतीक्षेत होते. बुधवारी सायंकाळच्या सुमारास ५९ मिलिमीटर पावसाची नोंद झाली होती. यंदाच्या पावसाळ्यातील तो सर्वाधिक पाऊस होता. काल पुन्हा एकदा पावसाने मनावर घेतले. सायंकाळी सव्वासातच्या सुमारास शहरात जोरदार पावसाला सुरुवात झाली. तब्बल सव्वा तीन तास पाऊस कोसळत होता. त्यामुळे शहरातील छोटे- मोठे नाले ओसंडून वाहत होते. रस्ते आणि काही भाग पाण्याखाली गेला होता. शहरातून वाहणारी भोगावती नदी दुथडी भरून वाहत होती.
अनेक सखल भागात पाणी साचले होते. यंदाच्या पावसाळ्यातील हा सर्वात मोठा पाऊस होता. शुक्रवारी पहाटेच्या सुमारास अनेक भागात पाणीच पाणी पाहायला मिळत होते. दरम्यान रात्री कार्यालयात अडकलेल्या अनेकांची धावपळ झाली. पावसात भिजतच घर गाठावे लागले. शिवाय रात्री बराच काळ वीजपुरवठा खंडित झाला होता. पाऊस आला म्हणजे वीज गायब होती, याचा प्रत्येय शहरवासीयांना आला.
भूम परंडा तालुक्यात पाऊस
भूम तालुक्यातील माणकेश्वर आणि ईट या दोन महसूल मंडळातील अतिवृष्टी झाली आहे. ईट महसूल मंडळात पुन्हा एकदा जोरदार पावसाने हजेरी लावली असून ८५ मिलीमीटर पावसाची नोंद झाली आहे. तर माणकेश्वर महसूल मंडळात ७० मिलिमीटर पाऊस झाला आहे. तालुक्यातील इतर मंडळात ही समाधानकारक पाऊस झाला. तर परंडा तालुक्यातही चांगला पाऊस झाला आहे.
उमरगा- लोहारा पावसाची दडी
उमरगा, लोहारा तालुक्याला पुन्हा एकदा पावसाने टाळले आहे. यंदाच्या पावसाळ्यात सर्वात कमी पाऊस उमरगा आणि लोहारा तालुक्यात झाला आहे. गुरुवारीही पावसाने या दोन्ही तालुक्याला ५ ते ७ मिलिमीटर पावसाची दोन्ही तालुक्यात नोंद झाली आहे. उस्मानाबाद शहरात ९५ मिलिमीटर पाऊस झाला असला तरी तालुक्यातील इतर मंडळात अगदीच नगण्य पाऊस आहे.
विशेष म्हणजे उस्मानाबाद ग्रामीण महसूल मंडळात केवळ दहा मिलिमीटर पावसाची नोंद झाली आहे. तर इतर मंडळातही कुठे दोन तर कुठे तीन मिलिमीटर पाऊस झाला आहे. तुळजापूर तालुक्यात ही कमी पाऊस आहे. तर कळंब तालुक्यातील काही महसूल मंडळात चांगला पाऊस झाला असून अन्य मंडळात मात्र पावसाने दडी मारली आहे. वाशी तालुक्यात बऱ्यापैकी पाऊस झाला आहे.
संपादन : प्रताप अवचार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.